عدد المساهمات : 251نشاط العضو : 53116تـــم شــكــره : 10
موضوع: لمن يبحث عن الاشهــار،انت بحاجه لهذا الموضوع 28th ديسمبر 2009, 05:09
جُعلة المنتديات لتناقل الخبرات والتجارب ، وغيرها ~>
ومن منطلق قول السلف ~( الساكت عن الحق شيطان أخرس، والناطق بالباطل شيطان ناطق )~ استعيذ بـ الله من الشيطان الرجيم واقول :~ لا اعتقد ان هناك صاحب منتدى إلا وقد جائته الف رساله على البريد او على الماسنجر تخص عروض الاشهـــــــار ...
اضمن لك 100000 زياره و 10000 عضو ، اضمن لك انتشار موقعك او منتداك او مدونتك او او الـــــخـــ ...
ما هوه الاشـــهار وما هيه حقيقتهـ ...
الاشهـــار في اللغة هوه الاعلام والنشر والاضهار ... هذا في حقيقة الامر !!!
ولاكن ماذا عن الاشهـــار الحالى ؟
الاشهــار الحالى هوه احد الامرين لا ثالث لهما (اقصد تلك العروض التي يقدمها البعض لاشـــهار موقعك في هذا الزمن ).
الطريقه الاولى الموجوده الان للاشهــــار :~
هوه عباره عن سكربت يتم تركيبه على سيرفرات تسمح بـ تركيبه كـ السيرفرات الروسيه
ويتم تجميع الايميلات من هنا وهناك وللاسف البعض يقوم بسحبها من المنتديات العربيه حين تقديم اي خدمه للمنتدى .. ويتم حشو الموضوع (الرساله المرسله ) بـ جميع المغريات للاسف اقول المغريات التي تجذب ضعفاء النفوس كـ الشائعات ، والاباحيات ، وفي حقيقة الامر هذا ما يقوم به 99% من من يقدم خدمة الاشهــــار إلا من رحم ربي ..
عن تجربه هذه صورة السكربت الى شفتوها فوق ، والله ارسلت مواضيع موقعي لاكتر من 5 مليون ايميل قمت بتجميعها من هنا وهناك وموجوده في الكثير من المنتديات ، لم اجد اي فارق في زيارات المنتدى او عدد الاعضاء الذين يقومون بـ التسجيل ، وفي الحقيقه انه لن ياتي احد للتسجيل إلا من وجد في محتوى ما قد ارسلته شي هوه بحاجه اليه ...
الحقيقه
وللاسف لو ارسلت صوره اباحيه وفقط اكتب اسفلهاللمزيد اضغط على الرابط سأجد الكثير من الزوار والاعضاء الذين يقومون بـ التسجيل ...
وفي احدى المرات اقسم لكم بـ الله فتحت ايميلـــ ~ هوه على الياهو ~ ــــي الى ما عاد افتحه نهائي عشان هذا الموضوع يوميا تجي اكتر من 500رساله من اصحاب الاشهـــار ، فتحت وحده من الرسائل فيها صور اباحيه ويقلك للمزيد على الرابط التالى، شفت الدومن عربي وانا على ثقه بان الموقع هذا مافيه شي من هذا الكلام دخلت لقيت الموقع اقرب للمواقع الاسلاميه عن المواقع العامه ، وحاط في الرئيسيه القران الكريم وهذا قبل رمضان ، دخلت على الشكاوي والاقتراحات وكتبت موضوع لصاحب الموقع وصورتلو الايميل الى جاني ، جا ورد عليا طيب وش اسوي الفلوس وصارت عندو ، هذا حنا دايم خلاص وش اسوي ، وبتدور الدائره على هذا الحال مع بقية الناس وكل واحد يقول خلاص وش اسوي ..
أنا وش سويت ..!!.. هزيت راسي ومشيت..
خلاصة الطريقة الاولى للاشهــــار :~
عمل دعايه لموقعك بـ انه يقدم كل مايخص الامور الاباحيه ، وفعلا بيجوك كم زائر ويدور على الشي الى جا عشانه وما يلقى شي ويمشي وتنتهي الزيارات بمجر انتهاء الفتره المتفق فيها مع الى مسويلك اشهــــار ما عاد تشوف احد.
~~~~~~~~~~~~~~~~~~~~~~
الطريقه الثانية الموجوده الان للاشهــــار :~
وهيه بكل صدق كذب × كذب !!! ايه كذب × كذب ، وح احط الدليل بعد التمهيد .
يجيك واحد يقلك اعملك اشهـــار واضمنلك 100 الف زياره يوميا و 500 عضو يوميا ً من وين بيجيب الـ 500 مدري .. والله الواحد ما يضمن يدخل بيته وهوه واقف قدام الباب
وحقيقة الامر / اشهـــــار ) زي ما صار معايا امس، اضافني واحد وقلي ياخي انا جاني عرض من شخص يقول انو حق اشهـــار وانه عامل اشهـــار لموقعك وانا دخلت موقعك واخذت منو ايميلك واضفتك ، استغربت وطلبت منه يرسلي الايميل وفعلا لقيت رابط احدى المواقع التابعه ليا حاطها كـ موقع مسوي له اشهــــــــــار وهذي صوره للايميل للتاكيد ..
والله الاشهـــار اكبر كذبه ، يجي سائل يقول ياخي فعلا اشوف زوار وناس تسجل بعد ما عملت اشهــــار
انا اقلك ايه صح كلامك بس العضويات الى بتسجل هوه نفس الشخص الى انت متفق معاه على الاشهــار
تبي تتاكد قله انا ابي اخلى التسجيل يتطلب التحقق من البريد وشوف عاد وقتها الى بيسجل
ما حتلقى احد هذا لو رضي اصلا ، لانو مو معقول كل شويه يعمل بريد عشان يسجل كل شويه بعضويه .. وانتبه تعطيه معلومات الموقع لانو ح يركب هاك مولد الاعضاء التلقائي
والشي التاني تقول اشوف فعلا في زوار ، صح كلامك بس كيف الزوار هذول ومن وين انا اقلك
تفظل قبل اقلك ، هذا المنتدى على السيرفر المحلى ، تقدر تقلي من وين جو الزوار الى الان موجود في القسم العام او القسم التجريبي ، والمنتدى هذا على جهازي (على السيرفر المحلي) !!
بكل بساطه في الف برنامج لعمل زيارات وهميه واصلا لا تحسب لك كـ زياره في قوقل او الشتيمها او غيرها من المواقع لاحتساب الزوار والزيارات، بس تشوف انو في زوار عندك في المنتدى
لان الموضوع ان البرامج هذي ترسل كل كذا ثانيه زياره الى الرابط الي تضيفه انت بـ اي بي مختلف تفظل شوف الصوره التاليه :~
للاسف هذه حقيقة 99% من من يقوم بـ الاشهـــار إلا من رحم ربي ..
الاهم ان تدفع تدفع فقط ، وبيجيك زوار واعضاء سواء عن ترويجات اباحيه او او او او عن طريق الكذبه الى اشرت لها في النقظه الثانية . يعني 99% الموضوع كذب × كذب ، مجرد ضحك على الدقون لاخد مافي الجيوب ..
يا اخوان 1000ريال قيمة الاشهـــار المزعوم تنعملك احلى بنر في مواقع كبيره لمدة لا تقل عن 5 اشهر ولو جاك منها 1000 عضو نشيطين والله افظل من 100000 عضو على الفاضي جا سجل عشان جاتو رساله ان هذا الموقع فيه صور كذا وكذا وجا لقى مافي شي قفل المتصفح ولا عاد جا للموقع غير الذنوب الى بتتحملها
همســــهـــ : ~
لا اقصد الاسائه لاحد بعينه ، ولا اقصد التشهير باحد ولاكن حتى لا يقع الكثير منا في كذبة يقال لــهـــا
الاشهــــار ، ولو كنت اقصد لما طمسط معلومات الشخص الى في الصور..
*/ قمت بعمل هذا الموضوع وقد اخذ وقت ليس بقليل لابراء ذمتي انطلاقاً من قول السلف
~( الساكت عن الحق شيطان أخرس، والناطق بالباطل شيطان ناطق )~
MMS ـك .. معانا ..! ::
موضوع: لمن يبحث عن الاشهــار،انت بحاجه لهذا الموضوع 
28th ديسمبر 2009, 05:09
</td>
</td>
</td>
</td>
</td>
